Am 14.12.2025 wor et esu wigg. Mir hann et eeste Mol dä Weihnachtsbasar usjereech. Dobei wore dolle Lück, mit fein parat jemaate Ständ, un Saache. Alle woren joot drop.
Dä Klös wor och do, un hätt de Pänz leckere Saache jeschenk.
All hatte vill Spaß un Freud. Et wor ne herrliche Daach.
Et joov och zo müffele un zo süffele.
Bedanke wille mir uns bei all denne die mit jemaat han, un vür allem bei unserem Weed (dä Toni), för sing Hülp.
Mir sinn uns beim nächste Mol.
Bis dohin wünsche mir üch
jlöcksillije Chressdääch un ne joode Rötsch in dat neue Johr.
Wat wor dat en Freud! Uns Pänz-Party diss Johr wor ene richtije Knaller jewääse. Met vill Jeföhl un Bützje han mer zesamme Fastelovend jefiert, un die Quös hatten’ mallich vill Spaß.
Zo Eesch han mer uns bei d’r Mäusejagd ausprobiert – do wor richtig jet loss! Doch dat wor nur der Aanfang . Wie et sich för en echte Fastelovendsjrupp jehört, han mer dann all zesamme en Polonäse durch de janze Saal jemaat.
Dä Luftballon-Künstler Marcus hät uns dann all verzaubert – ejal, ob e Hätz, e Dier oder ne Flitzeboge, hä hät alles us Ballons gemaat. Un zwesche all d’r Jeckerei hät et och en kleine Eck för zo mole jejovve, wo de Pänz sich Kreativ usstobe kunnte.
Met Stopptanz han mer de Danzfläsch jerock, un wann de Musik usjeschalt wor, hätt der eine oder andere us Versinn drop wigger jedanz – äver alles met vill Jeföhl un janz vill Lacherei.
Un wat darf nit fehle? Kamelle! Natürlich han mer och Süßije durch d’r Saal gewurfe – dat wor e Spektakel! För die klügere Jecke han mer dann noch e kölsch Rötsel parat gehatt. Un die, die et lese konnte, han sich en selbstjebackene Keksorden verdeent.
Mer sage danke an all die kleine un jroße Jecke, die met uns jesunge, jelaach un jebützt han. So muss dat sin! Mir künne et nöchste Johr kaum afwade!
Am Dienstag haben die Vorbereitungen auf die Pänz Party im Brauhaus beim Toni begonnen. es wurden reichlich Ballons aufgepustet und Karnevalsdekoration auf gehangen. Alle freuen sich, wenn es Morgen ab 12 Uhr endlich los geht.
